RUS
SMARTNEWS.KZ басылымының хабарлауынша, Ресейдің Ленинград облысындағы Кингисепп қаласында полицейді өлтірді деген күдікпен 19 жастағы Руслан Т. есімді Сланцы қаласының тұрғыны іздестірілуде. Қайғылы оқиға 23 сәуір күні түске таяу болған.
Шамамен 11:30-да полиция қызметкері Дмитрий Семенов бөлімшеден шыққаннан кейін 100 метр жер жүргенде, күдік тудырған қара киімдегі жігітті тоқтатып, құжатын тексермек болады. Алайда күдікті ештеңе айтпастан, полицейді мойын тұсынан пышақпен орып жіберіп, оқиға орнынан бой тасалаған. 24 жастағы полицей оқиға орнында көз жұмған.
Қазір күдіктіні ұстау үшін Кингисепп ауданының барлық полиция қызметкерлері жұмылдырылған. Көрші аймақтардың да құқық қорғау органдарына хабар берілді.
Дмитрий Семенов — кәсіби спортшы, бұрынғы шаңғышы және биатлоншы. Соңғы екі жылда полицияда қызмет атқарған. Жолдастары мен ұстаздары оны сенімді, қайсар әрі адал адам ретінде сипаттайды.
Сурет: vk.com/tour_de_vyborg
Күдікті жайлы не белгілі:
Руслан Т. – бұған дейін де тәртіп бұзған, алкомаркеттерге жиі бас сұғып, фейерверк жару арқылы тұрғындарға мазасыздық тудырған. Оның орман ішінде шалаш құрып, біртүрлі әрекеттер жасаған. Соңғы кездері бір реттік ыдыс сатып алып, орманға кеткені байқалған.
Зерттеулерге қарағанда, күдікті есірткі әсерінде болуы мүмкін. Қолында пышақ пен страйкбол гранаталары бар деген мәлімет бар.
Полиция дрон арқылы оның ормандағы орнын анықтап, тығырыққа тіреген. Ұстау сәті жақын.
Ал күдіктінің анасы полицейлерге жауап беруден бас тартқан. Тәрбие негізінен әжесінің мойнында болғаны айтылған.
Күдікті Руслан. Сурет: жеке парақшасынан
Қазір бұл іс бойынша «қызметтік міндетін атқарып жүрген адамды өлтіру» бабы бойынша қылмыстық іс қозғалды. Күдіктіге өмір бойы бас бостандығынан айыру жазасы қолданылуы мүмкін.