SMARTNEWS.KZ басылымының хабарлауынша, Ресейдің Мәскеу облысындағы Подольск қаласында 57 жастағы Василий Петров өз қолымен құрастырған қарумен көшеге шығып, 36 жастағы әйелді оқпен өлтірді. Бұл туралы Ресейдің бұқаралық ақпарат құралдары хабарлады.

Қайғылы оқиға Теміржол көшесіндегі балалар алаңында түн ортасында болған. Куәгерлердің айтуынша, ер адам түнгі уақытта алаңда шулап жүрген жастарға ашуланып, алдымен ескерту ретінде ауаға оқ атқан. Алайда жастар оның қаруын тартып алуға тырысқан сәтте, оқ кездейсоқ Екатерина К. есімді әйелдің кеудесіне тиіп, ол оқиға орнында қаза тапты.

Күдікті Василий Петров оқиға орнында ұсталып, оған Ресей Федерациясының Қылмыстық кодексінің 105-бабы ("Кісі өлтіру") бойынша айып тағылды. Тергеу ісін Мәскеу облысының тергеу комитеті жүргізіп жатыр. Қылмыстық іс прокуратура бақылауына алынған.

Қазіргі мәліметке сәйкес, ер адамға 15 жылға дейін бас бостандығынан айыру жазасы тағайындалуы мүмкін.