RUS
SMARTNEWS.KZ басылымының хабарлауынша, Ресейдің Краснояр өлкесінде 47 жастағы Лесосибирск тұрғыны өз анасын өлтіріп, қылмысын жасырмақ болған. Ол болған жағдайды оқыс оқиға ретінде көрсетуге тырысқан. Бұл туралы аймақтық прокуратура мәлімдеді.
2024 жылдың қыркүйегінде жедел жәрдем қызметі Лесосибирск тұрғынынан қоңырау алып, мекенжайға жеткен. Ер адам дәрігерлерге 86 жастағы анасының қайтыс болғанын айтып, оның өлімін кездейсоқтықпен байланыстырған.
– Менің қолыма құлап кетіп, өзі тұншығып қалды, – деп дәрігерлерге айтқан.
Бұл сөз көп күмән тудырған. Себебі адамның бірден тұншығып қалуы – медициналық тұрғыда мүмкін емес, ал анасы құлаған болса, неге ол көмектеспеді деген сұрақтар туындады. Сонымен қатар, дәрігерлер марқұмның денесі мен бетінде көгерген іздерді байқаған.
Сот-медициналық сараптама оның мойнына қолмен қысым жасалғанын растады. Осылайша, «оқыс оқиға» нұсқасы жоққа шығарылды.
Белгілі болғандай, марқұм бірнеше жылдан бері өз-өзіне қарай алмайтын, әлсіз күйде болған. Ол күнделікті күтімді қажет еткен, есте сақтау қабілеті де бұзылған. Ұлы оның денесіндегі көгерулерді «төсектен жиі құлап тұратын» деп түсіндірген.
Қазір ер адамға «Кісі өлтіру» бабы бойынша айып тағылып отыр. Егер кінәсі дәлелденсе, ол 20 жылға дейін бас бостандығынан айырылуы мүмкін.