RUS
SMARTNEWS.KZ басылымының хабарлауынша, «Қазгидромет» РМК-сы мамырдың 2-сі күнгі күн райы болжамын жариялады.
Кәсіпорынның деректеріне қарағанда, Қазақстанның басым бөлігіндегі ауа райына атмосфералық фронталды бөліктер әсер ететін болады, осыған байланысты найзағай ойнап жаңбыр, түнде оңтүстік шығыстың таулы аудандарында жауын-шашын (жаңбыр, қар), елдің батысында және оңтүстік-шығысында бұршақ жауады.
Тек ҚР оңтүстік-батысында, солтүстік-батысында күн жауын-шашынсыз болады. Республика бойынша жел күшейіп, елдің батысында, оңтүстік-шығысында – жел тұрып, шаңды дауыл көтеріледі, еліміздің солтүстігінде, шығысында, түнгі және таңғы сағаттарда тұман түседі.
Қостанай облысының шығысында, Шығыс Қазақстан облысының солтүстігінде, шығысында, Абай облысының солтүстігінде, орталығында 1-3 градусқа дейін үсік жүреді. Ақтөбе облысының солтүстігінде, Ұлытау облысында, Ақмола облысының батысында топырақ бетінде 1-2 градусқа дейін үсік жүреді.
Қызылорда, Жамбыл, Түркістан облыстарында, Алматы облысының батысында, орталығында, Атырау, Қарағанды облыстарының оңтүстігінде, Ақтөбе облысының оңтүстігінде, оңтүстік шығысында, Маңғыстау облысының солтүстік шығысында, шығысында, орталығында, Ұлытау облысының орталығында, Жетісу облысының оңтүстігінде, Шығыс Қазақстан облысының солтүстік-батысында, оңтүстігінде, Абай облысының солтүстік-батысында, оңтүстігінде, орталығында жоғары өрт қауіпі күтіледі.