5 мамырға арналған ауа райы болжамы жарияланды

SMARTNEWS.KZ басылымының хабарлауынша, синоптиктер еліміздегі синоптикалық жағдай мен ауа райының қауіпті құбылыстарына қатысты болжамын жариялады.

Синоптиктердің болжамы бойынша, 5 мамырда антициклон салдарынан еліміздің басым бөлігінде ауа райы жауын-шашынсыз әрі жылы болады.

- Қазақстанның батысы мен шығысында ғана атмосфералық фронтальды бөліктердің жылжуына байланысты найзағай ойнап, жаңбыр жауады, батыс өңірде нөсер жаңбыр жауып, бұршақ түсуі мүмкін, - деп ескертті «Қазгидромет» РМК.

Батыс Қазақстан облысында күн күркіреп, бұршақ жауып, жел соғады, 1 градус үсік жүреді.

Ақмола облысында жел соғады, 1 градус үсік жүреді және өрт қаупі жоғары болады.

Маңғыстау облысында күн күркіреп, шаңды дауыл, жел соғады, өрт қаупі жоғары болады.

Қонаев қаласында және Алматы облысында өрт қаупі жоғары болады.

Атырауда, Атырау облыстарында жаңбыр, бұршақ жаууы мүмкін, найзағай ойнап, жоғары өрт қаупі сақталады.

Петропавл, Көкшетау қалаларында, Түркістан, Солтүстік Қазақстан облыстарында желдің екпіні 15-20 м/с жетеді.

Өскемен, Семей қалаларында, Абай, Шығыс Қазақстан облыстарында найзағай ойнап, жел соғады, жоғары өрт қаупі сақталады.