RUS
SMARTNEWS.KZ басылымының хабарлауынша, Астанадағы көпқабатты тұрғын үйдің қасбетінде ер адамның мәйіті табылды. Ол үшінші қабаттың терезесінен асылып тұрған күйінде байқалған.
Оқиға 15:00 шамасында «Кең Дала» тұрғын үй кешенінде тіркелген. Куәгерлердің айтуынша, ер адамның денесі ғимараттың сыртына ілініп тұрған. Оқиға орнына жеткен полиция қызметкерлері марқұмның жеке басын анықтады.
Қазір бұл дерекке байланысты Қылмыстық кодекстің тиісті бабы бойынша іс қозғалып, тергеу амалдары жүргізіліп жатыр.
— Сағат 102 нөміріне ер адамның асылып тұрғаны туралы хабарлама келіп түсті. Тәртіп сақшылары бірден оқиға орнына жетіп, оның жеке тұлғасын анықтады. Қазіргі уақытта аталған факт бойынша қылмыстық іс қозғалды. Оқиғаның нақты себептері мен мән-жайы тергеліп жатыр, — деп хабарлады Астана қалалық Полиция департаментінің баспасөз қызметі.