RUS
SMARTNEWS.KZ басылымының хабарлауынша, «Қазгидромет» РМК ел аумағында 28 мамырда болатын қауіпті метеорологиялық құбылыстарға болжам жасады.
Дерекке қарағанда, циклон және онымен байланысты атмосфералық фронтальды бөлімдер Қазақстанның шығыс бөлігіне әсерін сақтайды, найзағай ойнап, жаңбыр жауады. ҚР қалған аумағында антициклон сілемінің әсерінен жауын-шашынсыз ауа райы күтіледі.
Республика бойынша жел күшейіп, оңтүстігінде шаңды дауыл тұрады, солтүстігінде, шығысында түнгі және таңертеңгі сағаттарда тұман түседі.
Түнде Абай облысының оңтүстігінде, шығысында, Шығыс Қазақстан облысының солтүстігінде, шығысында 2-3 градус үсік жүреді.
Жетісу облыстың шығысында, орталығында, Қызылорда облысының солтүстігінде, Маңғыстау облысының батысында, Ақтөбе облысының батысында, солтүстігінде, оңтүстігінде, Павлодар облысының шығысында, орталығында, Жамбыл облысының солтүстігінде, оңтүстігінде, Батыс Қазақстан облысының оңтүстігінде, шығысында, Атырау облысының солтүстігінде, шығысында, Түркістан облысының оңтүстігінде, Алматы облысының орталығында жоғары өрт қаупі күтіледі.
Қызылорда облысында Түркістан облысының солтүстігінде, шөлді, тау бөктеріндегі аудандарында, Жамбыл облысының батысында, шығысында, Ақтөбе облысының оңтүстік-шығысында, Атырау облысының оңтүстігінде, батысында, Алматы облысының батысында, солтүстігінде, Қостанай, Абай, Ұлытау облыстарының оңтүстігінде, Павлодар облысы мен Жетісу облысының оңтүстік-шығысында төтенше өрт қаупі бар.