RUS
SMARTNEWS.KZ басылымының хабарлауынша, Қазақстанда алдағы бейсенбіде, 2025 жылы 29 мамырда найзағай ойнап, тұман түседі, үсік жүреді, ал кейбір өңірлерде, керісінше жоғары және төтенше өрт қаупі болатыны болжанады.
"Қазгидромет" РМК мәліметінше, түнде Абай облысының солтүстігінде, Шығыс Қазақстан облысының солтүстігінде, шығысында сынап бағаны 2 градус суықты көрсетіп, үсік жүреді деп күтіледі.
"Солтүстік-батыс циклонының және онымен байланысты атмосфералық фронтальды бөліктердің әсерінен еліміздің солтүстігі мен шығысында найзағай ойнап, жаңбыр жауады. Қазақстанның қалған аумағында жауын-шашынсыз ауа райы сақтала отырып, антициклон өзінің ықпалын сақтайды. Республика бойынша ортақ табиғи құбылыс - желдің күшеюі, еліміздің оңтүстігінде шаңды дауыл, солтүстігінде, шығысында түнде және таңертең тұман болады", делінеді болжамда.
Сондай-ақ, гидрометеорологиялық орталық өзге де қауіпті табиғи құбылыстар туралы ескертті:
өрт қаупі жоғары - Атырау облысында, Жетісу облысының шығысында , Қызылорда облысының орталығында, солтүстігінде, Маңғыстау өңірінің батысында, Ақтөбе облысының солтүстігінде, оңтүстігінде, шығысында, Павлодар облысының орталығында, Жамбыл облысының солтүстігінде, оңтүстігінде, шығысында, Батыс Қазақстан облысының орталығында, Түркістан өңірінің оңтүстігінде, Алматы облысының орталығында;
төтенше өрт қаупі – Қызылорда облысында, Түркістан өңірінің солтүстігінде, шөлейтті, тау бөктеріндегі аудандарында, Жамбыл облысының батысында, шығысында, Ақтөбе облысының батысында, оңтүстік-шығысында, Атырау өңірінің оңтүстігінде, батысында, Алматы облысының солтүстігінде, батысында, Қостанай облысының оңтүстігінде, Абай, Ұлытау облыстарында, Павлодар облысының оңтүстік-шығысында және Жетісу облысында.
Бұған дейін синоптиктер 2025 жылғы 29, 30 және 31 мамырда Астана, Алматы және Шымкент қалаларында ауа райы қандай болатынын айтып, өз болжамдарымен бөліскен.