RUS
SMARTNEWS.KZ басылымының хабарлауынша, 3 маусым күні Алматы мен Астанада қолайсыз метеорологиялық жағдайлар күтіледі.
Мамандардың айтуынша, мұндай жағдайлар атмосфералық ауаның төменгі қабатында зиянды заттардың жиналуына әкелуі мүмкін. Бұған әлсіз жел, тұман және инверсия секілді қысқа мерзімді факторлар әсер етеді.
“2025 жылғы 3 маусымда Алматыда, ал түнде Астанада ауаның ластануының қолайсыз метеорологиялық жағдайы күтілуде”, – делінген ресми хабарламада.
Қала тұрғындарына ашық ауада ұзақ жүрмеу, әсіресе тас жолдар маңынан аулақ жүру ұсынылады. Ал созылмалы өкпе, жүрек-қан тамырлары немесе аллергиялық аурулары бар адамдар далаға шыққанда өзімен бірге қажетті дәрілерін алып жүруі тиіс.
Еске салайық, бұған дейін синоптиктер 2025 жылдың сәуірі Қазақстан тарихындағы ең ыстық айлардың бірі болғанын хабарлаған еді.