RUS
SMARTNEWS.KZ басылымының хабарлауынша, Сыбайлас жемқорлыққа қарсы іс-қимыл агенттігі Шығыс Қазақстан облысында медициналық сақтандыру жүйесіне қатысты ірі ұрлық фактісін анықтады. Бұл туралы Антикор 5 маусымда ресми түрде хабарлады.
Тергеу деректеріне сүйенсек, "Әлеуметтік медициналық сақтандыру қоры" КЕАҚ Басқарма төрағасының орынбасары Өскемен қаласында қызмет көрсеткен жеке медициналық мекемемен сөз байласып, 400 млн теңгеден астам қаражатты жымқырған. Бұл соманы олар Damumed ақпараттық жүйесіне жалған медициналық қызметтерді енгізу арқылы иемденген.
30 мыңнан астам жалған тіркеу тіркелген. Іс жүзінде халыққа ешқандай қызмет көрсетілмеген.
Сонымен қатар, күдікті заңсыз кәсіпкерлікпен айналысып, жымқырған ақшаны жылжымайтын мүлік сатып алу арқылы заңдастырған.
Қазір ол сот санкциясымен қамауға алынды. Қылмыстық іс аясында өзге де эпизодтар тексеріліп жатыр.
Антикор мәліметінше, соңғы үш жылда денсаулық сақтау саласында 134 сыбайлас жемқорлық фактісі тіркеліп, 57 адам сотталған.