«Бір көйлек 600 мың теңге»: Жұлдыз Әбдікәрімова киілген киімдерін сатып жатыр

SMARTNEWS.KZ басылымының хабарлауынша, актриса Жұлдыз Әбдікәрімова өзінің киілген киімдерін сатуға шығарды. Өнер иесінің айтуынша, бұл қадамға ол оқырмандарының сұранысынан кейін барған.

"Менің киімдеріме қызығатындар көп. “Сатыңызшы” деп жиі жазады. Бүгін соның сәті түсіп тұр. Жүктілігіме байланысты көйлектерімді сатуға шешім қабылдадым. Арнайы парақшада күнделікті және сахналық киімдер қойылған", – деді ол.

Актрисаның сатқан киімдерінің бағасы әлеуметтік желі қолданушыларының назарын аударды. Мәселен, сахналық көйлектердің бағасы 175 мыңнан 600 мың теңгеге дейін жетеді. Қайрат Нұртастың туған күнінде киген көйлегі – 230 мың теңге, ал інісінің тойына таңдаған образы – 150 мың теңге. Қолмен тігілген тастармен көмкерілген көйлек үшін 600 мың теңге сұралған. Костюм-шалбарлар да 130 мың теңгеден басталады.

Сатылымға шығарылған киімдер арнайы ашылған Instagram парақшасында жарияланған.