RUS
SMARTNEWS.KZ басылымының хабарлауынша, Атырау облысы Құлсары қаласында рейстік автобус жол шетіне шығып, бірнеше жарық бағаны мен жылдамдықты бақылау камерасын қақты.
Оқиға 12 маусым күні сағат 13:30 шамасында Махамбет даңғылында, «Медина» дүкенінің маңында болған.
Алдын ала мәлімет бойынша, жүргізуші көлік тізгініне ие бола алмай, автобус жол шетіне шығып кеткен. Салдарынан бірнеше көше шамы мен «Аркан» жылдамдықты тіркеу камерасын қиратқан.
«Жол-көлік оқиғасы нәтижесінде түрлі дене жарақатын алған алты жолаушы Жылыой аудандық орталық ауруханасына жеткізілді», – деп хабарлады Атырау облыстық полиция департаменті.
Автобусты 1974 жылы туған ер адам басқарған. Оған ҚР ӘҚБтК 610-бабы бойынша («Жол жүрісі қағидаларын бұзу, көлік құралдарының бүлінуіне немесе адамдардың жарақат алуына әкеп соққан іс-әрекеттер») әкімшілік хаттама толтырылды. Іс материалдары Жылыой аудандық сотына жолданды.