RUS
SMARTNEWS.KZ басылымының хабарлауынша, эстрада әншісі Ұланғасыр Қами екіқабатты жаңа үйін көрсетіп, рум-тур жасады. Өнер иесі бұл күннің өзі үшін тарихи сәт екенін жасырмады.
«Қарағанды облысы, Талды ауылынан анам қолыма көшіп келе жатыр. Зейнетке шыққан соң, кенжесінің қолына келіп жайғасады. Енді менімен бірге тұрады. Бұл – мен үшін үлкен мәртебе», – деді әнші Instagram парақшасында.
Әншінің анасы жаңа үйдің әр бөлмесіне кіріп, шашу шашқан сәттер де желіде тарады.
Ұланғасыр Қами жаңа үйін Алматының іргесінен салған. Қоныстойға келген достары өнер иесіне ерекше тартулар жасады.
«Продюсерім Назерке дастарханды өзі жасап беріп кетті. Қалжыңдап «екі қой алып келіңдер» дегенмін, достарым шын мәнінде екі қой алып келді. Ал Дәулет Өсербай бауырым жылқы мінгізді. Мүлде күтпедім! Барша достарыма рақмет», – деді әнші.