RUS
SMARTNEWS.KZ басылымының хабарлауынша, актриса Жұлдыз Әбдікәрімова жаңа баспанаға қол жеткізгенін айтып, қуанышты жаңалығын көпшілікпен бөлісті. Бұл туралы ол әлеуметтік желідегі парақшасында бейнежазба жариялады.
«Жаңа адаммен жаңа үйде жаңа өмір», – деп жазды өнер иесі.
Айта кетейік, бұған дейін актриса алаяқ құрылыс компаниясының арбауына түсіп, үйінен айырылып қалғанын ашық айтқан еді. Жұлдыздың айтуынша, дау тудырған баспана 170 миллион теңге тұрады. Қазіргі таңда бұл мәселеге қатысты сот процесі жүріп жатыр.
Сол қиын кезеңде Жұлдызды қолдаған халыққа актриса алғыс білдірді:
«Бір жыл бойы қатты қиналдым. Сіздер менің ауырғаныма, күрескеніме, үнсіз төзгеніме, жақынымнан көрген опасыздыққа куә болдыңыздар. Күл-талқан болып құлағаннан кейін қайта тұрып, ешкімді кінәламай, сабырмен өмір сүрдім. Эмоцияға ерік бермей, оқырмандарымның шынайы жанашырлықпен қолдау көрсеткеніне ризамын. Тілектеріңіз еселеніп қайтсын!», – деп жазды ол.
Жұлдыз Әбдікәрімованың бұл жазбасы желіде қызу талқыланып жатыр. Көпшілік оны рухы мықты әйел ретінде қолдап, жаңа өміріне сәттілік тілеп жатыр.
«Қайрат қайда?», «Жаңа өмір емес, мәнді өмір болсын. Жаңа өмір емес, берекелді өмір болсын. Жаңа бастама тек берекесімен келсін. Әр нәрсенің өз хайыры бар. Әр бастама хайырлы болсын. Аман есен босанып алыңыз», «Құтты, берекелі шаңырақ болсын. Аман-есен босанып ал. Кім не десе о десін, балалардың бақыты үшін аман жүр», «Ешкімді жамандамады аузы көпіріп. Өзін әр жерде өсектеп жүргендерге жауап та берген жоқ. Жарайсың өресі биік қыз. Ал көз жанары суық деп жатқандар сендерді ызаландарып, еңбектеріңді еш етуге тырысатын жақындарың болса, өзге емес өз жақының сатып кетсе көрер едім жылы жүзді болып мәз болып жүргендеріңді», - деп жазды олар.