«Ішіме сыймай бара жатыр»: белгілі әзілкеш Еркебұлан Мырзабек сүйінші хабарын жеткізді

SMARTNEWS.KZ басылымының хабарлауынша, танымал әзілкеш әрі "Қызық Times" бағдарламасының жүргізушісі Еркебұлан Мырзабек отбасындағы үлкен қуанышты жаңалықпен бөлісті. Ол үшінші рет әке атанып отыр — әзілкештің тағы бір ұлы дүниеге келді.

"Балам, өмірге қош келдің! Енді менде үш ұл. Іссапарда, басқа елде жүріп осындай қуанышты хабар алып, мәз болып жатырмын. Бақыттымын, қуанышым ішіме сыймай бара жатыр", – деп жазды ол Instagram парақшасында.

Желі қолданушылары қуанышты жаңалықты жылы лебіздермен қарсы алды. Комменттерде:

"Бауы берік болсын, басына бақ қонған жігіт болсын!", "Өзіңізге ұқсаған ақылды азамат болсын!", "Келіншегіңіз батыр екен", – деген тілектер жазылып жатыр.

Еске салайық, Еркебұлан мен Ақерке 2016 жылы шаңырақ көтерген. Қазірде олар – үш ұл тәрбиелеп отыр.