«Барыс» клубы барлық жаттықтырушыларды жұмыстан шығарды

SMARTNEWS.KZ басылымының хабарлауынша, Астаналық «Барыс» хоккей клубының жаңа басшылығы «Номад» пен «Қар Барыстары» командаларының бүкіл жаттықтырушылар құрамын қызметінен босатты.

Еске салайық, өткен маусымда «Номад» Қазақстан чемпионатының тұрақты кезеңінде сегізінші орын алып, плей-оффтың алғашқы кезеңінде «Арлан» командасынан 0:4 есебімен жеңіліп, жарыстан шығып қалған еді.

Ал жастар арасындағы МХЛ-дың Шығыс конференциясындағы «Қар Барыстары» Серебряный дивизионында да сәтсіз өнер көрсетіп, 54 матчта небәрі 35 ұпай жинап, сегізінші орынға тұрақтаған.

Қазіргі таңда бұл екі команда да жаттықтырушыларсыз қалып отыр. Жаңа маусым қарсаңында командалардың кіммен толықтырылатыны әзірге белгісіз.