RUS
SMARTNEWS.KZ басылымының хабарлауынша, 3 шілде күні елдің басым бөлігінде ауа райы бұзылады. Бұл туралы «Қазгидромет» мәлімдеді.
Синоптиктердің айтуынша, Қазақстан аумағына циклон мен атмосфералық фронттар әсер етеді. Соның салдарынан көп өңірде найзағай ойнап, жаңбыр жауады, жел күшейеді. Батыс, солтүстік және шығыс өңірлерде бұршақ пен дауыл болуы мүмкін.
Ал елдің оңтүстігі, оңтүстік-шығысы және орталығында күн ашық, жауын-шашынсыз болады. Солтүстікте түнде және таңертең тұман түседі.
Өрт қаупі жоғары өңірлер:
Абай облысы (шығыс),
Атырау облысы (оңтүстік, батыс),
Павлодар облысы (батыс),
Солтүстік Қазақстан, Шығыс Қазақстан, Ақтөбе облыстары (оңтүстік),
Маңғыстау облысы (батыс, оңтүстік, орталық),
Ұлытау облысы (орталық).
Төтенше өрт қаупі бар:
Алматы, Жамбыл, Қызылорда, Түркістан, Жетісу облыстары,
Қарағанды, Ұлытау облыстары (батыс, шығыс, оңтүстік),
Ақтөбе облысы (орталық),
Маңғыстау облысы (солтүстік-батыс),
Қостанай облысы (оңтүстік-батыс),
Абай облысы (оңтүстік).
Азаматтарға қауіпсіздік шараларын сақтап, ауа райы болжамдарын бақылап жүруге кеңес беріледі.