RUS
SMARTNEWS.KZ басылымының хабарлауынша, әлеуметтік желілерде белсенділігімен және тренд видеоларымен танылған елордалық мектеп директоры Ақмоншақ Нұртаза қызметінен кетуінің себебін түсіндірді. Бұл туралы ол Instagram парақшасында жазды.
Нұртазаның айтуынша, жұмыстан кетуге жеке ішкі себептер әсер еткен. Ол тынығуға және болашаққа қадамды нық басу үшін үзіліс алуды жөн көргенін айтты.
«Бұл жолы мен басқаша келдім... Үзіліс керек болды. Ішкі тыныштық, ой елегінен өткізу, алға қадамды нық басу үшін. Сол уақытта мен сіздердің қолдауларыңызды шын сездім. Күттіңіздер. Жаздыңыздар. Сендіңіздер. Бұл жай парақша емес екенін тағы бір рет түсіндім», – деп жазды ол.
Ақмоншақ Нұртаза өз миссиясының ұстаздарды қолдау, оқушылар мен ата-аналармен шынайы байланыс орнату екенін атап өтті.
«Қазір жаңа бір жолдың алдында тұрғанымды анық сеземін. Мүмкін, бұл парақшада жақында бір жаңалық болады… Бірақ менің жүрегім, көзқарасым, мақсатым – сол күйі», – деді бұрынғы мектеп директоры.