RUS
SMARTNEWS.KZ басылымының хабарлауынша, танымал актриса әрі кинопродюсер Жұлдыз Әбдікәрімова бесінші баласын өмірге әкелді. Қуанышты хабарды ол Instagram парақшасында жариялады.
Жақында ғана Әбдікәрімова отбасы мүшелерімен бірге гендер-пати ұйымдастырған болатын. Актриса көп күттірмей жақсы жаңалығын бөлісіп, «Жаңа тынысым» деген жазба қалдырды.
Желі қолданушылары бұл жазбадан-ақ актрисаның сәби сүйгенін түсініп, пікірлерін ақжарма тілектерге толтырды. Әріптестері мен қоғам қайраткерлері де жылы лебіздерін жаудырып, нәрестеге ұзақ ғұмыр, сәбидің аман-есен өсуін тіледі.
Әлеуметтік желіде оқырмандар «бесінші баласын дүниеге әкелу – үлкен ерлік» деп, Жұлдыздың аналық мейірімі мен сабырлы болмысына ерекше құрмет білдірді.
Айта кетейік, сәби әкесі – әнші Қайрат Нұртас жуырда өткен гендер-патиға қатыспағанын әзіл-шыны аралас жеткізген еді.
«Жұмыста жүріп, түнделетіп қайттым. Мен жоқта шырақтар жанып, қызық болыпты. Кейін ғана байқадым», – деп жазған болатын ол.