RUS
SMARTNEWS.KZ басылымының хабарлауынша, актриса Дариға Бадықованың экс-жолдасы Дархан Мұсаев әлеуметтік желіде кезекті рет мәлімдеме жасады.
Отандық телехикаяларда ойнаған актер бұған дейін 16 жылдық отбасылық өмірінің аяқталғанын айтқан еді. Енді ол өзінің ішкі күйзелістері мен өткені жайлы бөлісті.
«16 жыл бойы өнерден ойып орын ала алмаппын. Талант пен өнерімді тұншықтырып тастаппын. Өмірімді рухани емге берілген соң ғана басқаша сезіне бастадым. Денемде тылсым күштердің кедергілері бар екен, оларды тазалау үшін айлап еңбек етті. Қазір есімді жиып, өткеніме қарасам өкініш өзегімді өртейді. Осындай күйге жеткізгендерді бір Аллаға тапсырдым», – деді ол.
Сонымен бірге актер жұбайымен заңды түрде ажырасып кеткенін нақтылады.
«Құрметті ағайын! Көптің көкейіндегі сұраққа жауап берейін. 2008 жылдың 11 тамызында Дариға Бадықовамен некелестік. 16 жыл бірге тұрдық. 2024 жылдың күзінде некені бұзу туралы өтініш беріп, ресми түрде ажырасып кеттік. Қазір бізді өмірде де, өнерде де ештеңе байланыстырмайды», – деп жазды Мұсаев.
Бұл жазба желіде қызу талқыланып, көпшілік түрлі пікір қалдырды:
«Неге 16 жылдан кейін ажырасқан екен?», «Дариға бұл жайды жасырып жүрген еді, күйеуі жариялап қойды», - деп жазды олар.