RUS
Ақтөбе облыстық төтенше жағдайлар департаменті баспасөз қызметінің хабарлауынша, 112 құтқару қызметіне «Қарабұтақ-Қостанай» тасжолының 85-шақырымында жеңіл көлік бұзылып, ішінде науқас адам бар екені туралы ақпарат түскен. Құтқарушылар 4 адамды Әйтеке би ауданының орталығы Т. Жүргенов ауылына жеткізді.
«Самара-Шымкент» тас жолының 879-шақырымында «Мерседес» маркалы автокөлік бұзылып қалған. Құтқарушылар бұл жолы 4 адамды Хромтау қаласына жеткізді. Жолға шыққанда ауа райы туралы ескертуге бейжай қарамауға шықырамыз», - деді облыстық ТЖД баспасөз қызметі.
Айта кетейік, 16 сәуір күні түнде Ақтөбе облысының басым бөлігінде, күндіз облыстың шығысында, оңтүстігінде бұрқасын болады. Облыстың шығысында көктайғақ. Солтүстік-шығыстан, солтүстіктен жел соғады. Ал, Ақтөбе қаласында бұрқасын болады. Солтүстік-шығыстан, солтүстіктен соғатын желдің жылдамдығы 15-20 м/с жетеді деп болжанды.