RUS
«Жоба – болашаққа салынған инвестиция, сонысымен ерекше. «Жасыл» сутегінің нарығы 10 жылдан кейін 100 миллиард доллардан асады. Ал, нарықтағы негізгі өнім жеткізушілер қатарында қалғымыз келсе, мұндай жобалармен қазір айналысу керек», - деді спикер.
Қазақстан 2022 жылы Швеция мен Германияның «Svevind» бірлескен компаниясымен бірге «Жасыл сутегі» жобасына қол қойды. Алайда, жобаны жүзеге асыруды бастамас бұрын, зерттеулер мен сараптама жасап, кадр дайындауды қолға алған жөн.
«Мұның ұзақ мерзімді жоба екенін түсіну керек. Бұл жоба екі жақ үшін де тиімді. Оның ең басты артықшылығы – ауқымды жоба болғандықтан, соның есебінен шығындарды азайтуға мүмкіндік береді. Бұл өнімдер бізге бәсекеге қабілетті болуымызға жағдай жасайды, олардың өзіндік құны төмен болады. Біз шетелдік инвестиция арқылы өз құзыретімізді арттырып жатырмыз. Демек, инвесторлар есебінен біз мемлекеттік бюджеттен қаржы бөлмей, ірі капиталды қажет ететін жобаларды экспорттауды және жүзеге асыруды зерттейміз. Бүгінде осы келісімге сәйкес, Қазақстан 2030 жылдан бастап 2 миллион тонна «жасыл» сутегін өндіреді, бұл – ЕО-ның осы өнімге деген қажеттілігінің бестен бірі. Жобадағы басты мәселе – тасымалдау. Бұл оңай сұрақ емес, бірақ технологияның тиімділігі артып келеді. Қазіргі инвестициялар аясында ғана біз бұл инвестициялық бастаманың Қазақстан Республикасында қаншалықты тиімді екенін түсіне аламыз», - деп түйіндеді сөзін Азамат Қожанов.
Еске салайық, 2022 жылы Қазақстан 28,5 миллиард доллар тікелей шетелдік инвестиция тартқан еді.