RUS
Қырық үш түрлі қызметке зергерлік бұйымдар, IT және ойын жасау, мәдени мұра, телебағдарламалар, фото және дизайн, сәулет және сән, музыка, кино және анимация өнері бағыттары кірген. Сонымен қатар кейбір мәдени-демалыс мекемелері сияқты іс-шаралардың жұмыстары да кірістіріледі.
Аталған жұмыстарды атқаратын қызмет түрлері мен жобаларға мемлекет тарапынан қолдау көрсетіледі. Бұл жөнінде Мәдениет және спорт вице-министрі Ержан Еркінбаев былай деді:
- Министрліктің креативті қоғамдастықпен және мемлекеттік органдармен бірлескен жұмысының арқасында Қазақстанда алғаш рет креативті индустрияны қаржылық жағынан да, қаржылық емес жағынан да қолдау үшін құқықтық негіз пайда болды. Бұл үдеріс саланың жаңалығына және тіпті халықаралық деңгейде бірыңғай критерийлердің болмауына байланысты белгілі бір уақытты алды. Мемлекеттік қолдаудың нақты шаралары саладағы жағдайды мұқият зерделегеннен кейін биыл Үкіметтің қарауына ұсынылатын болады, - дейді вице-министр.
Аталған бастама арқылы креативті индустрия бойынша жұмыстар атқарып жүрген жеке кәсіпкерлерге мемлекеттік қолдау шаралары жасалып, оны экономикалық дамыту секторына айналдырады.