RUS
Балабақша мен мектептің, я болмаса демалыс орындары мен тұрғын үйдің арасы қаншалықты алыс болмауы тиіс? Көбіне қолжетімсіз аумақтар мен өңірлерде тұрғындардың баспанасы мен мектеп не демалыс орындары бір-бірінен аса алыс болып жатады. Бұл мәселе Елордамызда нақты шешімін табу үшін секторды жобалаудағы принцип қатаң сақталуы шарт.
«Астана Бас жоспар» ҒЗЖИ мамандандырылған шеберханасының жетекшісі Мәулет Әлибаев бір сектордың өзінде шамамен 36 орындар қамтылуы керегін түсіндірді. Олардың ішіне емхана, мектеп, балабақша, паркинг, кітапхана секілді мекемелер мен орындардан бастап, дәріхана, қоғамдық монша, қолжетімді Wi-Fi-ы бар орындарға дейін. Әрі бұл принцип Астананың 2035 жылға дейін көзделген бас жоспарында назардан тыс қалмаған.
- Қала ыңғайлы болуы үшін әрине, әуелі суы, жылуы, жарығы мен кәрізі келіп тұруы керек. Бұл мәселе шешілген соң ол жерді өмір сүруге ыңғайландыру басты назарда болады. Мысалы баланың мектебі мен үйінің арасы шамамен 300 метрден алшақ болуы ыңғайсыз ғой. Сондықтан бір шағын аудан секторының өзінде жоспарлы принцип сақталуы керек, - деп атап өтті маман Әлибаев.