RUS
SMARTNEWS.KZ басылымының хабарлауынша, Алматы қаласында психиатриялық ауруханадан екі науқас қашып кетті. Бұл туралы бірнеше күн бұрын Lider.kz сайтының еріктілері Instagram парақшасында хабарлаған болатын.
Іздеу бойынша ақпаратқа қарағанда, оқиға 31 мамыр күні кешкі уақытта Әбіш Кекілбайұлы көшесіндегі (бұрынғы Қаблуков көшесі) психикалық денсаулық орталығында болған. Қашып кеткендердің бірі 32 жастағы, екіншісі 33 жастағы азаматтар.
Бірінші адамның сыртқы келбеті: орта бойлы, шашы қара, көзі қоңыр, білегінде тыртық бар. Бойы шамамен 157 сантиметр. Сол күні үстінде қара футболка, қара шорты және аяғында сүйретпе тәпішке болған.
Екінші адамның сипаттамасы: орта бойлы, шашы күңгірт сары түсті, көздері қоңыр, сол көзінің жанында мең бар. Оның үстінде ақ футболка, қара шорты, аяғына ашық түсті сүйретпе киген.
Алматы қалалық Полиция департаментінің баспасөз қызметі берген мәлімдемесінде, оқиға бойынша іздеу жұмыстары басталғанын және екі азаматтың қауіпсіздігін қамтамасыз ету мақсатында барлық шаралар қолданылып жатқанын хабарлады.
Қоғамнан бұл екі азаматты көргендер болса, дереу полицияға хабарласулары сұралады.