RUS
Айтулы конференцияның тарихы бай, тағылымы терең. 20 жыл бұрын конференция аясы санаулы мемлекетпен шектелсе, бүгінде Орталық Азия, Ресей, Балтық елдерін қамтып, өрісін кеңейтті.
Д.Серікбаев атындағы ШҚТУ ректоры Сәуле Рахметуллина CITech-2023 конференциясының негізгі мақсатын ашып айтты.
«Конференция тәжірибе алмасуға, ғылымның, техниканың, білім берудің және өндірістің түрлі салаларында есептеу мен ақпараттық технологияларды қолдану саласындағы жетекші ғалымдардың проблемаларын талқылауға, іргелі және қолданбалы математикалық зерттеулердің жаңа нәтижелеріне, сондай-ақ халықаралық ғылыми-техникалық ынтымақтастықты кеңейтуге бағытталған»,- деді ректор.
Ғалымдардың алқалы жиынында айтылған ғылыми ұсыныстар жоғары оқу орнының практикалық қызметінде кеңінен қолданыс табатыны сөзсіз. Люблин техникалық университетінің профессоры Waldemar Wójcik, dr hab. inž. «Талшықты-оптикалық датчиктерден сигналдарды өңдеу әдістерін талдау» тақырыбындағы баяндамасымен дүйім елдің қызығушылығын оятты.
Қазіргі жоғары технологиялық заманда осындай технологияларға сұраныс та, ғылыми мүдде де жоғары. Ғалымдар, кәсіпкерлер мен сарапшылар тәжірибе алмасу, ғылымның, техниканың, білім берудің және өндірістің әртүрлі салаларында есептеу және ақпараттық технологияларды қолдану мәселелерін талқылады. Іргелі және қолданбалы математикалық зерттеулердің жаңа нәтижелерін ұсыну, сондай-ақ халықаралық ғылыми-техникалық ынтымақтастықты кеңейту жолдарын қарастырды.
Айта кету керек, конференцияға "ҮМЗ" АҚ, "Майлы дақылдардың тәжірибелік шаруашылығы" ЖШС, Freedom Telecom, Oskemen IT-Hub, Білім берудегі жаңа технологиялардың Шығыс Қазақстан өңірлік орталығы, Л. Н. Гумилев атындағы Еуразия ұлттық университеті өкілдері қатысты.