ҚР Ұлттық экономика министрі Әлібек Қуантыров а.ж. 10 айындағы әлеуметтік-экономикалық даму қорытындылары туралы баяндады.
Салалар бөлінісінде көрсеткіштердің өсімі:
➤ Нақты сектор – 3,8%
➤ Қызмет көрсету саласы – 5,4%
Барлық негізгі салалар бойынша оң динамика байқалады.
Ең жоғары өсім:
➤ Құрылыс – 12,5%
➤ Сауда – 10,4%
➤ Ақпарат және байланыс – 8%
➤ Көлік – 7%
Инвестициялар:
Негізгі капиталға салынған инвестициялардың өсу қарқыны 12,6%-ды құрады.
➤ Көлік және қоймалау – 58%
➤ Денсаулық сақтау – 40%
➤ Сауда – 38%
➤ Білім беру – 18%
➤ Ауыл шаруашылығы – 8,7%
➤ Өнеркәсіп – 8,3%
Өңірлер бойынша ең жоғарғы көрсеткіштер:
➤ Маңғыстау обл. – 44,7%
➤ Түркістан обл. – 41,3%
➤ Павлодар обл. – 28,2%
➤ Абай обл. – 44,2%
Сыртқы сауда
Алдын ала қорытынды бойынша 2023 жылғы қаңтар-қыркүйекте сыртқы сауда тауар айналымы 2,4%-ға өсіп, $102 млрд. құрады.
➤ Экспорт – $57 млрд.
➤ Өңделген тауарлардың экспорты – $18 млрд.
➤ Импорт – $44 млрд.
Өңдеу өнеркәсібінде оң өсім сақталып отыр. Өндіріс көлемі 3,2%-ға өсті.
Оң өсім 12 өңірде тіркелді.
Ең жоғары көрсеткіштер:
➤ Қызылорда обл. – 24,2%
➤ Қостанай обл. – 16,1%
➤ Абай обл. – 14%
➤ Алматы – 18,6%
Өңдеу өнеркәсібі салалары бойынша көрсеткіштер:
➤ Машина жасау – 27%
➤ Азық-түлік өндірісі – 2,9%
➤ Металл бұйымдары – 3,4%
➤ Құрылыс материалдары – 1,8%
➤ Сусындар – 1,7%
➤ Жеңіл өнеркәсіп – 12%
Тау-кен өнеркәсібіндегі өндіріс көлемі 6,1%-ға өсті
➤ Газ – 9,7%
➤ Мұнай – 9,3%
➤ Өзге де пайдалы қазбалар – 14%
➤ Металл кендерін өндіру – 1,1%-ға төмендеді
➤ Тау-кен өнеркәсібінде қызмет көрсету – 2,3%-ға төмендеді
➤ Көмір өндіру – 5,5%-ға төмендеді
Орындалған құрылыс жұмыстарының көлемі 12,5%-ға ұлғайды
Ағымдағы жылғы қаңтар-қазанда 13,3 млн. шаршы метр тұрғын үй пайдалануға берілді. Бұл өткен жылдың сәйкес кезеңімен салыстырғанда 14%-ға жоғары.
Ауыл шаруашылығының жалпы шығарылымы 8,6%-ға төмендеді
Барлық 7 көрсеткіш бойынша оң өсім 5 өңірде байқалады:
➤ Абай обл.
➤ БҚО
➤ Жетісу обл.
➤ Қызылорда обл.
➤ Алматы
Орталық және жергілікті атқарушы органдарға келесі шараларға назар аудару ұсынылады:
➤ Экономика салаларында өсудің оң қарқынын қамтамасыз ету. Логистика және егін сақтау мәселелерін жедел шешу
➤ Отандық өнім экспортын белсенді ілгерілету
➤ Инвестициялық жобаларды мерзімінде аяқтау
➤ ӘМАТТ (әлеуметтік маңызы бар азық-түлік тауарлар) бағасының маусымдық өсуіне жол бермеу және инфляция деңгейін бақылау мен төмендету бойынша шаралар кешенін тиімді іске асыру
➤ Бизнесті кешенді қолдау.