RUS
Қазақстанның бас қаласы Астана қарқынды өсім көрсетіп, жаһандық деңгейде 25 позицияға көтеріліп, аймақтық рейтингте бірінші орынға шықты. Осы табысы үшін Astana Hub технопаркі беделді Startup Ecosystem Awards сыйлығымен марапатталды.
«Астананың Орталық Азиядағы ең үздік стартап экожүйесі үшін марапаттауы аймақтың дамуындағы маңызды кезеңді білдіреді. Astana Hub инновациялар мен стартаптардың өсуіне қолайлы жағдай жасау арқылы осы жетістікте шешуші рөл атқарды. Бұл жетістік Қазақстанның Орталық Азиядағы стартап сахнасында өсіп келе жатқан ықпалы мен көшбасшылығын көрсетеді», - деді Махмод Шамси, StartupBlink бизнесті дамыту бөлімінің басшысы.
StartupBlink Startup Ecosystem Awards жеңімпаздарын анықтау 40-тан астам параметрлерді, соның ішінде популяция көлемін, аймақтық ықпалды және басқа да факторларды ескеретін күрделі алгоритмге негізделгенін атап өтеді. Бұл жүйе объективті және жан-жақты тануды қамтамасыз етіп, әртүрлі деңгейде стартаптық экожүйелердің дамуына ықпал етеді.
«StartupBlink бүкіл әлем бойынша стартап-экожүйелер туралы сенімді ақпарат көзі болып отыр. Сондықтан бұл рейтингте мойындалу стартаптарды қолдау және дамытуға бағытталған күш-жігеріміздің нақты нәтиже бере бастағанын көрсетеді. Бұл жетістіктерімізге берілген жоғары баға ғана емес, әлемдік инвесторлардың назарын аудартуға да жол ашары анық. Біз жаһандық инвестициялық қауымдастықты стартап-инновациядағы көшбасшылық жолымызға қосылуға шақырамыз», - деді Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусин.
StartupBlink туралы:
StartupBlink – бүкіл әлем бойынша стартап-экожүйелердің динамикасын анықтауға және олардың өсуін жеделдетуге арналған стартап-экожүйе картасы және зерттеу хабы. Олардың жыл сайынғы рейтингтері мен марапаттары бүкіл әлемдегі стартаптар қауымдастығындағы әсер мен инновацияны мойындайды.
Astana Hub туралы:
Astana Hub – Орталық Азиядағы ең ірі технопарк, оның қызметі IT-бизнес үшін экожүйені құруға және дамытуға, IT мамандарын оқытуға және стартап жобаларды қолдауға бағытталған. Бүгінгі таңда технопаркте 1400 IT-компания тіркелген, оның ішінде 400-ге жуық шетелдік қатысумен. Олар бизнесті дамыту және масштабтау бағдарламаларын, арнайы салықтық және визалық шарттарды, ақпараттық-білім беруді және материалдық инфрақұрылымды қоса алғанда, жан-жақты қолдау алады.