RUS
SMARTNEWS басылымының хабарлауынша, термеші, жыршы Айгүл Елшібаева радикалдарды қоғам дерті деп атады.
«Қоғам дертін уақытында емдемесе , ол дерт асқынып кетуі мүмкін. Мен қауіп ойлағаннан айтамын дегендей, кейде бұрынғы жазбаларымды оқырмандарыма жариялап, қоғамдағы шешілмей жатқан мәселелерді есіне салып қоямын. Құдай тіл берген соң, жазу қиын болып па?
Осы ғасырда бір қазақтың баласы, өз дәстүрінен, ұлттық киімінен безіп жатқасын, өзегің ашитыны белгілі. Рухани құндылықты материалдық құндылық деп түсінгендіруге ұмтылған білгіштерде, рухани құлдырау болады. Солар ескерсін деп есіне салып қоямыз.
Тек деп тегі бар айтады демекші, не шаруаң бар деушілерге, тегіміз, қанымызда рухани құндылық жоғалмай тұрғанда, жан барында түсіндіруге ұмтылып , өз аудиториямды қалыптастырғасын, ұлттық идеологияға қатысты мәселелерді қозғаймын, оқырмандарыммен сырласамын», - деді ол.
Термеші діни ағым өкілдері мен дәстүрді салыстыра, былай деп сауал қойды:
«Уақап-салафтың тарихи, этнографиялық делелдермен ашып жазсам, оқырмандарым дұрыс айтасың деп шулап қоя береді.
Сол уақап-салафтар дәстүрімізге қарсылығы молаға барып құран оқып бет сипамайды, әулиеге бармайды, келін сәлем салмайды.
Бірақ, салаф дейтіндердің тойына барсаң, беташар жасайды. Беташар қазақтың салт-дәстүрі ғой, сонда күлкім келеді. Бұл уақап-салафтар да қазақтан шыққасын беташарларын амалсыздан жасай ма? Олар салт-дәстүрге қарсы екен, онда нағып беташар жасап, сәлем салып жүр? Сендер не дейсіңдер , білгіш оқырмандарым?», - деп жазды ол.