RUS
SMARTNEWS басылымының хабарлауынша, әнші әлемдегі барлық қасірет пен апат адамдардың пейілінен келетінін ескертіп, жазба қалдырды.
«Қазақ қазаққа қай уақытта жағамыз? Тілдеуге, жүндеуге келгенде ділмар-шешенбіз. Өзімізде жоқ ақылды айтуға көсембіз. Қай-қайсымыз, не істесек те жақпаймыз. Алланың жер бетіндегі өмірі әйтеуір бір сынақ екенін бәріміз білеміз. Бірақ ешнәрсе жақпайды, неге? Бәріміздің баратын жеріміз бір екені ақиқат. Жақсы сөз айтуға неге қиналамыз, қазағым-ау?
Жалпы, әлеуметтік желіні қарап, жүрегім ауырып, жазып отырмын… Ниетімізді, пейілімізді жөндесек, апат та, қиыншылық та болмас па еді деген ойым ғана. Атақ, даңқ, дүние, мансап - шетсіз-шексіз болып көрінгенімен, баяны, мәні жоқ ұғым ғой. Қолға ұстаса, суcып түсе салатын құм секілді. Ойымша, шүкір етпегенге өмір де күліп қарай қоймас», - деп жазды Ақбота Керімбекова Instagram-дағы парақшасында.
Оқырмандары әншінің ойы дұрыс екеніне келісіп, әдемі сөйлеп, әдемі өмір сүру керектігін жазған.
«Дұрыс айтасыз, жақсы сөз жарым ырыс деген аталарымыз», «Өз басым Ақботаның талантын , даусын өте жоғары бағалаймын. Ал, жеке өмірін талқылап, мін тағу құқы ешкімге берілмеген», «Біз сені жаксы көреміз. Айтатын жұрт айта берсін», «Боташым, «ит үреді,керуен көшеді!». Таразы басында тек жаратушы! Қара жаныңның амандығын тіледім» деді әншінің оқырмандары мен жақындары.