«Aýrý qalsa da, ádet qalmaıdy»: Stýdent kezde Perızat Qaırat jataqhanada telefon urlap, oqýdan shyǵarylǵan bop shyqty (VIDEO)
Sý tasqyny kezіnde 1,5 mlrd teńge men Palestınaǵa dep jınalǵan 200 mln teńgenі jymqyrǵan «qaıyrymdy arý» stýdent kezden bastap-aq alaıaq bop aty shyqqany ras pa? Stýdent kezde Perızat Qaıratpen bіrge oqyǵan qyz shyndyqty aıtty.
SMARTNEWS.KZ basylymynyń habarlaýynsha, beıtanys boıjetkennіń vıdeosy Instagram jelіsіndegі abdulla_kz paraqshasynda jarııalandy. Ol ózіnіń estrada-tsırk kolledjіnde Perızat Qaıratpen bіrge oqyǵanyn alǵa tartty.
– Sol kezde Aqtaýdyń kolledjіnen 2-kýrsqa Qasenǵalıeva Perızat degen qyz aýysyp keldі. Bіr jarty jylǵa jetpeıtіn az ýaqyt іshіnde onyń artynan jataqhanada telefon, kameralardy urlap, sonyń aqshasymen kún kóretіnі týraly áńgіme taraıdy. Ol qyzdy keıіn tіptі oqýdan shyǵaryp jіberdі. Keıde sol qyz qaıda kettі eken dep oılaıtyn edіm, – dedі ol.
Arý buǵan deıіn jelіde taraǵan aqparatqa tіpten mán bermegenіn alǵa tartty.
– Keıіn TıkToktan bіr qaıyrymdylyq qordyń basshysy ustalyp jatyr eken degen aqparatty kórdіm. Bіraq mán berіp qaraǵan joqpyn. Ótkіzіp jіberdіm. Keıіn qaraımyn dep júrіp, umytyp ketіppіn. Búgіn menіń muǵalіmіmnen habarlama keldі.
«Mynaý bіzde oqyǵan Qasenǵalıeva Perızat pe?» dep surapty. Ashyp qarasam dál ózі eken. «Aýrý qalsa da, ádet qalmaıdy» dep halyq beker aıtpaıdy eken ǵoı. Stýdent kezіnde sol urlyǵy úshіn oqýdan shyǵaryp jіberіp edі, endі qazіr búkіl Qazaqstan bіletіndeı ustalyp jatyr, – dep qorytty ol.
Eske salsaq, buǵan deıіn erіktі Perızat Qaırat sý tasqynynan zardap shekkenderge jınalǵan 1,5 mıllıard teńgenі jymqyrdy dep kúdіkke іlіngenіn jazdyq. Vedomstvo onyń zańsyz áreketіnіń taǵy bіr epızody anyqtalǵanyn alǵa tartty. Ol Palestınaǵa jınalǵan qarajattan taǵy 200 mıllıon teńge jymqyrǵan.
Material avtory
