RUS
SMARTNEWS.KZ басылымының хабарлауынша, ҚР Оқу-ағарту министрлігінің ресми өкілі Мереке Нұрмұханова су тасқынынан зардап шеккен педагогтердің тізімі жасалып жатқанын алға тартты.
Қазір келтірілген шығынды анықтау және су тасқынынан зардап шеккен педагогтердің тізімін құру жұмыстары іске асырылып жатыр, - деді ресми өкіл ОҚК-де өткен брифингте.
Сондай-ақ ол эвакуациялық пункттердегі 4 мыңға жуық бала тұру және оқу үшін қолайлы орынжайларға ата-аналарымен бірге орналастырылғанын айтты.
Оның ішінде 600-ге жуық оқушы сауықтыру орталықтарына, 2 мыңға жуық бала колледждер мен жоғары оқу орындарының жатақханаларына, 600-ге жуық бала республикалық маңыздағы инновациялық мектеп-лицей жатақханаларына орналастырылды – деді Нұрмұханова.