Алматыда өрт сөндірушілер жарылыстың алдын алды
Алматы қаласының өрт сөндірушілері жаңа ғимаратта жарылыстың алдын алды.
Бостандық ауданындағы көпқабатты тұрғын үйдің бірінші қабатында құрылыс қоқысы жанды. Өрт сөндірушілер от шыққан үй-жайдан бір газ баллонын қауіпсіз жерге алып шықты. Бұл туралы Халық Үні хабарлады.
Оқиға орнына келген өрт сөндірушілер шақырылған сәттен бастап 14 минут ішінде 8 шаршы метр алаңдағы жалынды жойды. Қаза болғандар мен зардап шеккендер жоқ. Оқиғаның себебі - отпен байланысты жұмыстарды жүргізу кезінде қауіпсіздік ережелерінің сақталмауы, – деп мәлімдеді Төтенше жағдайлар министрлігі.