RUS
SMARTNEWS.KZ басылымының хабарлауынша, желіде марқұм Салтанат Нүкенованың суретін кілемге бейнелеген суретшінің видеосы тарады. Бұл туралы Aikyn.kz жазды.
Видеоны TikTok желісіне rasaitam.kz есімді қолданушы жариялаған. Бейнежазба желі қолданушыларының арасында кең танымалдылыққа ие болды. 22 мыңға жуық ұнату белгісі басылып, 1 000-нан астам пікір жазылған.
"Қазақстандық суретші Салтанат Нүкенованың суретін кілемге салды", – деп жазылған.
Айта кетейік, әйелін аса қатыгездікпен өлтірді деп айыпталған экс-министр Қуандық Бишімбаев 24 жылға түрмеге қамалды. Ал оқиға орнында оның жанында болып, қылмысты жасыруға атсалысқан Бақытжан Байжанов 4 жылға сотталды.