RUS
Ақмола облысы санитарлық-эпидемиологиялық бақылау департаменті баспасөз қызметінің мәліметінше, жыл басынан бері өңірде кене энцефалитінің 5 жағдайы тіркелді.
Облыста эндемикалық аудан Сандықтау ауданы, онда тек үш жағдай тіркелді, Бурабай және Зеренді аудандарында бір бірден.
«Ақмола облысында жыл басынан бері 268 адамды кене шақты, оның 69-ы – 14 жасқа дейінгі бала. Егер өткен жылмен салыстыратын болсақ, онда осы уақыт ішінде тек 406 жағдай тіркелген. Облыста кене энцефалитіне қарсы вакцина бар. Биылғы жылы Ақмола облысында кене энцефалитіне қарсы 540 вакцина сатып алынды, оған қоса, былтырғыдан қалған 189 доза бар. Облыс бойынша барлығы 354 адам вакцина алды. Облыста ақылы негізде вакцинация жүргізілмейді. Сонымен бірге облыста кене шаққан адамдарға медициналық көмек көрсетуге арналған кене энцефалитіне қарсы иммуноглобулин бар», - деп түсіндірді санитарлық-эпидемиологиялық бақылау департаменті басшысының орынбасары Серік Омарханов.
Айтуынша, облыс бойынша жергілікті атқарушы органдар тарапынан профилактикалық дезинсекция және дератизация жүргізуге 47 158 926 теңге бөлініп отыр. Аршалы, Біржан сал, Бурабай, Ерейментау, Жақсы, Қорғалжын, Сандықтау аудандарында профилактикалық дезинфекциялауға және дератизациялауға қаржы бөлінбейді.
Айта кетсек, бұдан бұрын 25 мыңнан астам қазақстандық кене энцефалитіне қарсы жоспарлы екпе қабылдағанын жазған едік.