RUS
SMARTNEWS.KZ басылымының хабарлауынша, Ресей телеарналары соңғы 40 жылда алғаш рет Олимпиада ойындарын теледидардан көрсетпейді. Бұл жөнінде Sports.ru және өзге де басылымдар жазды.
"Бірінші" және "Россия-1" телеарналары саяси себеппен Олимпиада ойындарын көрсетуден бас тартты деп жазды Sports.ru. "Комсомольская правда" жазуынша, телеарналар Ресейдің бірнеше спортшысы ғана бейтарап статуста қатысатын Олимпиада ойындарын көрсетуді "ақылға қонымды" шешім деп санамайды.
Жарыс трансляциясына құқықты сатып алу бойынша келіссөзді "Матч ТВ" және VK холдингі жүргізген. Алайда сәуір айында Ресейде Олимпиада ойындарын көрсету құқығына ие "Телеспорт" компаниясының жетекшісі Петр Макарено алаяқтық бойынша ұсталған. Бұған қоса, ақпарат құралдарының жазуынша, Олимпиадаға қатысуға рұқсат алған бірқатар ресейлік спортшылардың ойынға бармайтыны белгілі болғаннан кейін қымбат келісім жасаудан мән қалмаған.
Ақыры "Матч ТВ" де, VK холдингі де 26 маусымда басталатын Олимпиаданы көрсету құқығын сатып алмаған. Okko және Wink стриминг сервистері де трансляция бойынша келісім жасамаған.
Ресейде соңғы рет 1984 жылы СССР ойынға бойкот жариялаған кезде Олимпиада ойындарын көрсетпеген еді.