RUS
SMARTNEWS.KZ басылымының хабарлауынша,әлеуметтік желі қолданушысы Қостанай облысының бас имамы Тәжімбет Бахытбектің жиналған жұртқа арақтың зияны туралы уағыз айтқан видеосын жариялады.
“Бас имамның, жоқ, кешіріңіздер қателестім, мас имамның уағызын тыңдап көріңіздер. Иә, әлгі арақ ішіп, көлік жүргізіп ұсталған имам”, – деп жазба қалдырды желі қолданушысы.
Бас имам видеода ішімдіктің адам денсаулығына зиян екенін айтқан.
“Арақ ішпе дейді. Арақ ішкен адамның денсаулығы мықты болмайды ғой. Алланың тыйымдарын қарасаңыз, оның астарында адамның денсаулығына үлкен зиян келтіретін нәрселер барын білеміз”, – дейді Тәжімбет Бахытбек.
Сондай-ақ ол көшеде, желіде өзін жарнамалап жүрген қыздар мен зина туралы сөз қозғады.
“Зина… Өздеріңіз білесіздер, қазір зина өте көп таралып кетті. Қаракөз қарындастарымыз ашықтан-ашық көшенің бойында немесе түрлі сайттарда өздерін жарнамалап жүр. Соларға барған адамдар арқылы емі жоқ аурулар тарап жатыр. Бәріне белгілі СПИД ауруын айтсақ болады. Алла құлдарына зинаға жақындама деп жатыр. Жақындаған адамдар өзі аған емес, ұрпағына дейін берілетін ауруға шалдығып жатыр”, – дейді имам.
Еске салайық, Қостанай облысының бас имамы Тәжімбет Бахытбектің Бурабайдағы түнгі клубтардың бірінен шығып, масаң күйде көлік айдап бара жатқан жерінде ұсталғаны туралы жазған едік. Ол сот қаулысымен 15 тәулікке қамалып, 7 жылға көлік құралын басқару құқығынан айырылды.