RUS
SMARTNEWS.KZ басылымының хабарлауынша, дзюдошы Ғұсман Қырғызбаев Қазақстан қоржынына қола әкеп қосты.
Дзюдодан 66 келі салмақта бақ сынап жүрген отандасымыз Ғұсман Қырғызбаев 1/16 айналымда Испаниядан келген Давид Гарсия Торнемен белдескен еді. Аталған жекпе-жекте Ғұсман қарсыласын вазари әдісі арқылы жеңіп шыққан.
1/8 финалда ол Оңтүстік Кореядан келген Ан Ба Улмен күресті. Қарсыласын Ғұсман асқан айламен жеңіп шықты. Ал 1/4 финалда Ғұсман жерлігікті француз дзюдошы Валид Хярмен белдесіп, оны иппон арқылы жеңіп шықты.
Ал жартылай финалда Ғұсман бразилиялық Уиллиан Лимамен белдесіп, одан жеңіліп қалды. Осылайша ол қола медаль алуға мүмкіндік алды.
Ол қола үшін күресте Сербиядан келген Страхиня Бунчичпен белдесіп, оны айқын көрсеткішпен жеңіп шықты.
Осылайша Ғұсман Қырғызбаев - Қазақстан қоржынына қола медаль сыйлады.
Айта кетсек, Ғұсман 1992 жылғы 28 қыркүйекте қазіргі Түркістан облысында дүниеге келген. 2021 жылы Будапеште өткен Әлем чемпионатының күміс жүлдегері. 2019 жылы Фуджейрада, ал 2022 жылы Астанада өткен Азия чемпионаттарының қола жүлдегері. Париждегі жекпе-жек арқылы Ғұсман алғаш рет Олимпиада ойындарында қатысып тұр.