«9 жаста болғанда үйленіп едік»: Абай Бегейдің екінші әйелі тұрмыс құрған қызына жазба арнады

SMARTNEWS.KZ басылымының хабарлауынша, әнші Абай Бегейдің 9-сынып оқитын екінші қызы тұрмыс құрып, ұзатылмақ. 

Абай Бегейдің әйелі отбасыдағы екінші қызы Сымбат Абайқызын алып қашқанда жылағанын көрсетті. Маңғыстауға келін боп жатқан қызымен тілдесіп, оған бақыт тіледі.

«Неше күннен бері жүрегім алай-дүлей. Тақсырға көрсетпей жылап аламын. Симби қызым, бақытты бол. Менімен танысқанда 9 жаста едің. Енді міне бойжетіп, өз теңіңді тауып жатырсың. Аллам бақыт бергей», – деп жазды Фариза.

Болашақ күйеу баласы мен қызының хаттарын желіге жариялады.

«Апа. Сізді қалай жақсы көретінімді білесіз ғой. Сізге мәңгі қарыздармын, апа. Бірдеңе болса, барымды-нарымды беруге дайынмын сізге. Сіз өмірімнің ең ауыр сәтінде болдыңыз. Мені өз қызыңыздай жақсы көрдіңіз. Мен де сізді өз мамамдай жақсы көрем, апа», – деп жазды Абай Бегейдің қызы Сымбат екінші анасына.

Сондай-ақ қыздың болашақ енесі де пікір білдірді.

«Еу, жаным сол! Фариза ханым! Барлығы оңынан болсын! Сіздің Сымбатыңызды қызымнан, Балапанымнан артық көрмесем, кем көрмей, алақаныма салып, мәпелеп, әлпештеймін. Сіздің тәрбиеңізбен өскен қыз болса, ақылды, инабатты, үлкенді сыйлайтын, кішіге үлгі болатын Келін болатынына еш күмәнім жоқ. Еш, уайымдамаңыз. Жақсысын асырып, жамандығын жасырып, білгеніне қуанып, білмегенін үйретететін Ана, Ене боламын деп сөз беремін», – деп жазды жаңа құдағи.

Коллаж smartnews.kz