RUS
SMARTNEWS.KZ басылымының хабарлауынша, әлеуметтік желіде Таир Жиғанбаев есімді блогер ер адам мен әйел адамның көшеде оқушыға шабуыл жасап, тұншықтырып жатқан видеосын жариялады. Рамазан атты бала желіде оқыс оқиғаға тап болғаны туралы жазды. Бұл туралы Stan.kz ақпарат агенттігі жазды.
Рамазан мектепке велосеипедпен кетіп бара жатқанда екі ит ұстаған ер адам жолды жауып, өткізбей қойған. Олардың арасындағы кикілжің жанжалға ұласып, ер адам оқушыны тұншықтырып, әйел телефонын тартып алған.
“Ол мені балағаттап, “қайда ұшып барасың?” деп сұрады. Мен сағатына 20 шақырыммен келе жатқан едім. Оның бұл сөздерін көтермей, өзіне дәл солай жауап қайтардым. Одан кейін ол жұдырық ала жүгірді. Көргендеріңіздей, ол мені тұншықтыра бастады. Тахикардиямен ауырамын, сол кезде өліп кете жаздадым. Қызарып кеттім, денемде де жарақат іздері көп. Жазасыз қалмауын сұраймын. Жанында жүрген әйел видеоны өшір деді. Әлі де тыныстауым қиындап, жүрек соғысы жиіледі”, – деп жазды Рамазан.
Болған жағдайға қатысты полиция департаменті пікір білдірді.
“Аталған факті бойынша Бостандық аудандық полиция бөлімі тергеу жүргізіп жатыр. Оқиғаның мән-жайы анықталып жатыр. Заңға сәйкес шаралар қабылданады”, – деді полициядағылар.