RUS
SMARTNEWS.KZ басылымының хабарлауынша, конференцияның тақырыбы – болашақ бейнесін мәдениеттер мен философиялардың, технологиялардың және инновациялардың, табиғатпен өзара әрекеттесудің дүниетанымдық көзқарасы арқылы түсіну.
Шараның басты бағыттарының бірі «Болашақтың білімі мен ғылымы» (Future Education And Science) тақырыбына арналады. Конференцияда қазіргі және болашақ білім беру жүйелерін қайта қарау мәселелері, білім беру мен ғылым жүйелерінің жаңа қоғамға бейімделуі және жаңа ұрпақты тез өзгеріп жатқан әлемге дайындау қажеттілігі талқыланатын болады.
Бұл бағыттың ұйымдастырылуы мен өткізілуі тиісті министрліктердің қолдауымен жүзеге асады: оның жұмысына Қазақстан Республикасының Ғылым және жоғары білім министрі Саясат Нұрбек пен Қазақстан Республикасының Оқу-ағарту министрі Ғани Бейсембаев қатысады.
«Болашақтың білімі мен ғылымы» бағытының мәселелері тек болашақ білім беру мен ғылымды ғана емес, сонымен қатар Қазақстанның жоғары білім беруін дамытудың стратегиясын қалыптастыруға байланысты аспектілерді де қамтиды. Дәстүрлі оқыту әдістері болашақ мамандар үшін тиімді емес. Халықаралық аренада жоғары білім саласындағы бәсекелестік барған сайын күшейіп келеді, сондықтан өзіндік стратегияның болуы маңызды фактор болып табылады.
Бұл бағытта көтерілетін негізгі мәселелер:
– Жаһандық көшбасшылық пен инновацияны қамтамасыз етуге қабілетті зияткерлік капиталды құру үшін білім беру жүйесін трансформациялау қажеттілігі.
– Білім беру мекемелері әлемдік деңгейде табысты бәсекеге түсіп, дарынды студенттер мен мұғалімдерді тарта алатындай жоғары білімнің жаһандық бәсекеге қабілеттілігі болу үшін стратегия құру.
– Жаһандық мәселелерді шешу үшін пәнаралық, инновация және зерттеулерді тәжірибеде қолдануға бағытталған ғылымның жаңа моделін әзірлеу.
– Оқытуды күшейту және жеделдету үшін генеративті жасанды интеллектті пайдалану және заманауи технологияны тиімді пайдалана алатын талантты ұрпақты дамыту.
– Шығармашылықты, сыни ойлауды және бейімделуді дамыту орталықтары болу үшін мектептер мен университеттердің рөлін қайта қарастыруды қоса алғанда, білім беру жүйесін қайта жаңғырту
Жалпы, бағыт сарапшыларды, ғалымдарды, педагогтарды, кәсіпкерлер мен саясаткерлерді тиімді, икемді және тұрақты білім мен ғылым жүйесін табуға көмектесетін шешімдерді талқылау және табу үшін біріктіруге арналған. Бұл адамзаттың биік мұраттары мен ұмтылыстарын көрсететін болашақты қалыптастыруға белсенді қатыса алатын көшбасшылар мен мамандардың жаңа буынын дайындау үшін маңызды.
Future Education and Science жұмысына қатысатын жергілікті және халықаралық сарапшылар:
Йонг Чжао, Kansas University профессоры, білім беру жүйесін реформалау бойынша сарапшы (АҚШ).
Бен Нельсон, Minerva Project негізінқалаушы және бас директоры (АҚШ).
Стив Кинг, Еуропа, Орталық Азия және Солтүстік, Оңтүстік Америка бойынша білім беру серіктестігі бөлімінің басшысы (Ұлыбритания).
Март Аро, білім беру жүйесіндегі жаңашылдықты қолдаушы, EdTechEstonia негізін қалаушы (Эстония).
Лука Лантеро, Лиссабон тану жөніндегі конвенция комитетінің президенті, ASEM (Азия-Еуропа форумы) білім беру хатшылығының басшысы (Италия)
Рафал Лев Старович, Ed Tech Polandпрезиденті (Польша)
Александр Ангелов, CCT Bulgaria&Polandнегізінқалаушы, Google for Education интеграторы (Болгария)
Сергей Христолюбов, QuacquarelliSymonds аймақтық директоры (Сингапур).
Райя Бидшахри, Адамзатмектебініңнегізінқалаушыжәне бас директоры, оқытушы, кәсіпкер (АҚШ).
Барбара Окли, Окленд университетінің инженерлік ғылымдарының құрметті профессоры (АҚШ).
Риз Хан, журналист, тележүргізуші, Al Jazeera English, CNN International арналарының бұрынғы басшысы, (Ұлыбритания)
Ольга Скороходова, Google (БАӘ) Орталық Азиядағы Үкіметпен байланыс және қоғамдық саясат бөлімінің басшысы.
Ақылбек Күрішбаев, Қазақстан Республикасы Президенті жанындағы Ұлттық ғылым академиясының президенті (Қазақстан)
Камиль Ақатов, «Ғылым қоры» АҚ басқарма төрағасы (Қазақстан)
Гүлмира Қанай, Қазақ ұлттық қыздар педагогикалық университетінің ректоры (Қазақстан).
Данияр Тоқтарбаев, Білім беруді тұрақты дамыту қорының директоры (Қазақстан)
Арнур Маденов, Бибігүл Төлегенова атындағы Креативті мектептің директоры, «Халықаралық мектептер кеңесінің» сарапшысы (Қазақстан).
Алмас Ордабаев, «Quantum» мектептер тобының бас директоры, педагог, ғылымды насихаттаушы, Қазақстан Республикасының білім беру ісінің үздігі (Қазақстан).
Габит Бекахмет, Ғабит Бекахмет, FRSA, жазушы, paradigm Shift білім беру тобының серіктесі (Қазақстан), Maruf Fellows акселераторының негізін қалаушы (Ұлыбритания).
«Өзгерістердің жылдамдығы біз күткеннен де тез өзгеріп жатқан заманауи әлемде бізге білім беру жүйесін жаңғырту ғана емес, оның рөлі мен міндеттерін қайта қарау керек. Білім болашаққа бейімделіп қана қоймай, оны белсенді түрде жасай алатын көшбасшылардың жаңа буынын құра отырып, жаһандық өзгерістердің катализаторына айналуы тиіс. Біз келер ұрпақтың адамзаттың биік мұраттары мен ұмтылысын көрсететін әлемде өмір сүруіне жауаптымыз», - деді Данияр Тоқтарбаев, Білім беру саласын тұрақты дамыту қоры директоры.
Екі күн ішінде конференцияға 20-дан астам елден 1500-ге жуық делегат қатысады деп күтілуде.
CONNECTED конференциясының ерекшелігі оның жаһандық мәселелерді талқылаудағы дүниетанымдық көзқарасында жатыр. Дүниетанымдық көзқарас болашақ әлемнің синхронды бейнесін жасау үшін диалог пен әртүрлі мәдени және философиялық көзқарастарды біріктіруге назар аударады.
Қазіргі заманның негізгі кедергілері мен мүмкіндіктерін талдау үшін конференция бүкіл әлемдегі өзгерістер агенттерін – жаһандық құндылықтарды дамытудың, сондай-ақ білім мен тәжірибені саналы түрде қолданудың маңыздылығына сенетіндерді біріктіреді. Бұл қызметі әлеуметтік өзгерістерге апаратын және жеке адамдардың дүниетанымына әсер ететін адамдар, қоғамдық қозғалыстар мен ұйымдар.
CONNECTED конференциясына Нобель сыйлығының лауреаттары, футурологтар, философтар, инновациялар мен технологиялар саласындағы жетекшілер, қоғамдық және мемлекеттік тұлғалар, мәдениет элитасы, діни қызметкерлер, жетекші әлемдік EdTech компанияларының, халықаралық ұйымдардың, трансұлттық корпорациялардың негізін қалаушылар мен өкілдері және т.б қатысады. Олар жаһандық нарративтер арқылы болашақ бейнесін қалыптастырады.
Конференция Open Mind форматында өтеді. Бұл саналық модель бейтарап бағалауды, ашық коммуникация форматын және көзқарастардың икемділігін қарастырады – шараға қатысушылардың әртүрлі көзқарастарды қабылдауға дайындығын білдіреді.
Бұл тәсіл панельдік талқылаулар барысында адал және терең талқылау үшін ашық атмосфераны қалыптастыруға, сондай-ақ спикерлер мен конференция аудиториясы арасындағы ең үйлесімді сұрақ-жауап форматын жүзеге асыруға бағытталған.
Бұл тақырыптарды тереңірек талдауға, нәтижелі диалогқа және қазіргі заманның сынақтарына жауаптар мен болашақтың бейнесін қалыптастыру барысында инновациялық шешімдерді бірлесіп іздеуге ықпал етеді.
CONNECTED конференциясының миссиясы – әлемдік дискуссия алаңына айналуы, өзгеріс агенттері жаһандық нарративтер мен өзекті мәселелерді талқылайтын орын болуы.