Олигархтардан қайтарылған ақшаға Ұлытауда су құбырын жүргізбек

SMARTNEWS.KZ басылымының хабарлауынша, Ұлытау облысының ауылдарын сапалы ауыз сумен қамтамасыз ету мақсатында Арнаулы мемлекеттік қордан 570 млн теңгеден астам қаржы бөлінді. Бұл туралы Үкіметтің баспасөз қызметі хабарлады.

Қаражат Жаңаарқа ауданының бірнеше ауылына су құбырларын тартуға бағытталды. Атап айтқанда:

Ералиев ауылдық округі мен Ақбастау ауылының №189 разъезіне – 274 млн теңге,

Бидайық ауылдық округіне – 296 млн теңге бөлінді.

Жобалар толық аяқталған соң Жаңаарқа ауданында ауыз сумен қамту деңгейі 100%-ға жетеді.

Қазіргі уақытта Қазақстанда сумен жабдықтау қызметіне қолжетімділік:

Қалаларда – 99,4%,

Ауылдық жерлерде – 97,8% құрайды.

Ал Ұлытау облысында бұл көрсеткіш:

Қалаларда – 100%,

Ауылдарда – 97,3% деңгейінде.

Аталған инфрақұрылымдық жобалар ауыл тұрғындарының өмір сүру сапасын арттыруға бағытталған.