RUS
SMARTNEWS.KZ басылымының хабарлауынша, Ақтөбе облысында қызғалдақпен түскен фотосы әлеуметтік желіде тараған ауыл әкімі Ләззат Бердібаеваға қатысты әкімшілік іс бойынша сот отырысы кейінге қалдырылды. Бұл туралы облыстық кәмелетке толмағандар істері жөніндегі мамандандырылған ауданаралық сот хабарлады.
Судья отырыс барысында ботаникалық сараптама қорытындысын оқыды. Сараптама нәтижесінде:
Суреттегі қызғалдақ сирек кездесетін немесе құрып кету қаупі бар өсімдіктер тізіміне жатпайтыныанықталды.
Сонымен қатар, іс материалдарында оқиға нақты қай жерде болғаны көрсетілмеген.
Осы себепті сот шешім қабылдау үшін Мұғалжар ауданына көшпелі отырыс өткізетін болды. Оның нақты уақыты кейін хабарланады.
Еске салайық, сәуір айының соңында Мұғалжар ауданы, Қ.Жұбанов атындағы ауылдық округтің әкімі Ләззат Бердібаеваның қызғалдақ ұстап түскен фотосы әлеуметтік желіге тараған еді. Бұдан соң оған қатысты ӘҚБтК 127-бап, 1-бөлігі бойынша әкімшілік хаттама толтырылған.
Бердібаева өзіне тағылған айыпты мойындамай отыр.