RUS
SMARTNEWS.KZ басылымының хабарлауынша, Қазақстандықтар жеке куәлікті енді онлайн ауыстыра алады.
Қазақстанда жеке куәлікті онлайн рәсімдеу мүмкіндігі пайда болды. Бұл Ішкі істер министрлігі мен Цифрлық даму, инновациялар және аэроғарыш өнеркәсібі министрлігінің бірлескен бұйрығы негізінде іске қосылған пилоттық жоба аясында жүзеге асуда.
Қызмет түрі 2024 жылдың 28 мамырынан бастап қолжетімді және 2026 жылдың 31 наурызына дейінжалғасады.
Онлайн куәлік рәсімдеу тәртібі:
Қызметті eGov.kz порталы немесе eGov Mobile қосымшасы арқылы алуға болады;
Өтінімді электронды цифрлық қолтаңбамен (ЭЦҚ) растау қажет;
Белгіленген талапқа сай фото жүктеу керек;
Уәкілетті орган өтінімді тексеріп, тіркелген мекенжай, құжат мерзімі мен фотосуретті қарап шығады;
Барлығы дұрыс болса, пайдаланушыға мемлекеттік баж салығын төлеу ұсынылады;
Қызмет нәтижесі туралы SMS-хабарлама немесе электрондық хат түрінде жіберіледі;
Дайын куәлік ХҚКО-дан (Халыққа қызмет көрсету орталығы) беріледі.
Бұл жаңалық азаматтардың уақытын үнемдеуге әрі мемлекеттік қызметтердің қолжетімділігін арттыруға бағытталған.