RUS
SMARTNEWS.KZ басылымының хабарлауынша, Қазақстанның еңбек сіңірген қайраткері, профессор, режиссер Нұрқанат Жақыпбай арнайы сыйлық иегері атанды.
Түркменстанның Ашхабад қаласында өткен түркі дүниесінің 2-ші халықаралық театр фестивалінде қазақтың атақты режиссері, Қазақстанның Мемлекеттік сыйлығының лауреаты, көптеген халықаралық фестивальдердің бас бәйге иегері, «Жастар» театрының көркемдік жетекшісі Нұрқанат Жақыпбай «Түркі дүниесінің театр өнеріне қосқан үлкен үлесі мен жаңашылдығы» үшін «ТҮРКІ ДҮНИЕСІНІҢ ЕҢ ҮЗДІК РЕЖИССЕРІ» арнайы сыйлығына ие болды.
Түркі мемлекеттері арасында алғашқы рет тапсырылып отырған бұл марапат халықаралық ТҮРКСОЙ ұйымы тарапынан берілді.