«Ішімде алты айлық балам бар»: Роза Рымбаева күйеуінің қалай қайтыс болғанын айтып берді (ВИДЕО)

SMARTNEWS.KZ басылымының хабарлауынша, өнер иесі ұйқыдан оянғанда ғана жолдасының суып кеткен денесін көрген.

Әнші Роза Рымбаева өткенді есіне алып, күйеуі Тасқын Оқаповтың қалай қайтыс болғаны туралы айтты. Ол уақытта әнші екінші ұлы Мәдиге аяғы ауыр болған. Бұл туралы Динара Сәтжанға берген сұхбатында әңгімеледі.

«Ұйықтап жатқанында инсульт алып, қайтыс болды. Оянғанымда жанымда денесі суып кеткен күйде жатыр екен. Ол кезде екінші ұлыма аяғым ауыр еді, алтыншы айдамын. Өте ауыр болды. Тасқын оған дейін де бірнеше рет микроинсульт алған еді. Алайда ол оған мән бермеді. Дәрігерге қаралмады. Денсаулығы сол жағдайға жетті», - деді әнші Роза Рымбаева.