Қонақ қойдан жуас болмай шықты: павлодарлық әйел үйіне келген қонақтардың қолынан қаза тапты

SMARTNEWS.KZ басылымының хабарлауынша, оқиға Павлодар облысында болған. Бірге тұрып жатқан ер мен әйел адам үйлеріне қонақтар шақырған. Бірақ кейін отырыс жанжалға айналып, шу шыққан. Қонаққа келген екі адам үй иелерімен ұрысып, артынша төбелес бастаған.

Айқай-шу мен төбелестің нәтижесі қайғылы аяқталды. Ер адам ауруханаға түсіп қалды, ал қонақтан зәбір көрген әйел адам қатты соққыдан қайтыс болған.

Күдіктілер уақытша ұстау изоляторына қамалды. Оқиғаның мән-жайын анықтау мақсатында тергеу амалдарын жүргізіп жатырмыз, – деді полиция департаментінде.

Адам өлтіру фактісі бойынша қылмыстық іс қозғалды.