Ебін тапқан екі асар: атыраулық әже «Тиктокты шайқап», 10 млн теңге ақша тауып отыр (ВИДЕО)

05.11.2024, 11:15
1571
Ебін тапқан екі асар: атыраулық әже «Тиктокты шайқап», 10 млн теңге ақша тауып отыр (ВИДЕО) бейнежазбадан алынған кадр

«Батыстың әжесі» деген атпен танылған 70-тегі атыраулық әже TikTok компаниясына ресми түрде жұмысқа тұрған.

SMARTNEWS.KZ басылымының хабарлауынша, TikTok желісі танымал еткен Хадиша Төлеғалиқызын ондағы жастар «Батыстың әжесі» деп танитын көрінеді. Оның қазір әлжеліде 87.1 мың жазылманы, мыңнан астам тұрақты көрермені бар. 

Хадиша әже күнделікті үзбей тікелей эфирге кіріп отырады. Ондағы жастармен еркін әңгімелесіп, оларға ақылын айтып, көбіне эфирде батл жарысына қатысады.

Жас күнінде күйеуінен ерте айырылып, жесір қалған Хадиша апа бала-шағаның қамы үшін қартайғанша көше сыпырып, еден жуып күнін көрген екен. Енді міне, зейнеткер «бала-шағаның болмашы ермегінен» ебін тауып, 10 млн табыс алып, керегіне жаратып отыр. Кейуананың айтуынша, TikTok компаниясының агенттігі зейнеткермен келісімшарт жасасып, желідегі жоғары белсенділігі үшін жақсы жалақы төлеп отыр екен. 

- Басында мен TikTok-қа тіркелген кезде Фариза Оңғарсынова мен Мұқағали Мақатаевтың өлеңдерін оқыған видеоларымды салдым. Бірақ өлең оқып, жастарды қызықтыра алмадым. Содан бір күні кездейсоқ тікелей эфирге шықтым. Менің тікелей эфиріме қосылғандардың қатары арта бастады. Сөйтіп, эфирге шығу күнделікті әдетіме айналды.

Кейінірек TikTok агенттігімен келісім жасадым. Енді олар маған жалақы төлейді. Менің аудиториям – әлеуметтік желілерді жақсы білетін жастар. Қазір пайдаланушылармен батлға шығамын, ақыл-кеңесімді айтамын. Мені жастар жақсы түсінгенімен, үлкендер жағы сынап жатады. Ал бұл мен үшін қосымша табыс, - дейді әже.

Сондай-ақ TikTok-ты меңгергелі ауруым мен сырқатымды, уайым-қайғымды ұмыттым дейді Хадиша әже. Оған әуелде қалай эфирге кіру керегін, әлжеліні қалай басқару керегін немерелері көрсетіп жүрген. Қазір кейуана парақшасын толықтай өзі жүргізеді. Ол тіпті эфирге кіру үшін арнайы орын дайындап, бөлме жабдықтап та қойған. 

- Қазір мен басым ауырып, балтырым сыздады деп отырмаймын.  Ауруымды ұмыттым. Тікелей эфир кезінде басқа елде тұратын адамдармен де сөйлесемін. Өзіме ұнайтын іс болғандықтан жаным рахаттанады. Ұлым мен келінім күні бойы жұмыста. Мен өзім немерелерімді бағамын, тәттілеп тамақтарын жасап беремін. Ал бос уақытымда мені TikTok-тан табасыздар, - деді TikTok-ты бағындырған зейнеткер.

Үш немересіне бас-көз боп отырған Хадиша апа өзін желіде жастар үнемі қолдап, үлкен кісі деп сыйлайтынын айтып қуанды.

- Қарашаның төртінде TikTok-ке кіргеніме бір жыл болды. Балам «үйде бала қарап отырсың ғой, TikTok-ке шығасың ба?» деді. «Ойбай, шығайын, маған да ермек керек» дедім. Қалаға келгелі әңгімелесетін үлкен адам жоқ. TikTok-ты шайқап-шайқап жатырмын. Мені «әжеге болсын» деп қазақтар қолдайды. Үлкен кісі деп сыйлайды, - дейді әже қуанып.

«Енді Rolls-Royce алып береді»: Динара Сәтжан жаңа күйеуінің өзін қалай еркелететінін айтып берді Шымкентте бір топ еркек құлағы естімейтін қызды тапшанда зорлап, соны видеоға түсірген «Сүйеу болар әкең жоқ»: Меруерт Түсіпбаева IELTS-тан жоғары балл жинаған Мақпал Жүнісованың қызын үлгі етті Тұрсын Алагөзов өз қызметкерлеріне қымбат көліктер сыйлады (ВИДЕО) «Ақталғым келмейді»: актер өз әйелін ұрғанын мойындап, оның ата-анасынан кешірім сұрады (ВИДЕО) Декретке миллионмен шыққан 113 әйел сотталмақ Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО) Спортшы Сұлтан Заурбекке Шымкент қаласының әкімі демеушілік жасай ма? Қуандық Бишімбаевтың әкесі Таразда Bishimbayev University оқу орнын ашпақ Ақтауда өтіп бара жатқандар қызды зорламақ болған ер адамды тұрғындар ұстап алды