RUS
Әзірбайжан әуе жолдарының 8243 рейсі мен Jeju Air 2216 рейсінің қалдықтарынан кадрлар пайда болған соң артқы орындар қауіпсіз деген сыбыстар пайда болды. SMARTNEWS.KZ басылымының хабарлауынша, сарапшылар мұны жоққа шығарады. Олар әр апаттың себебі мен зардабы әр қилы екенін айтып, апат болған жағдайда бірегей әрі нақты қауіпсіз жер жоғын айтады.
Айта кетсек, Ақтау маңындағы апаттан аман қалған 29 адам ұшақтың артқы жағында отырған. Ұшақтың корпусы екіге бөлініп, артқы бөлігі еш бұзылмаған еді. Одан кейін болған Оңтүстік Кореядағы апаттан да аман қалғандар – ұшақтың артқы жағында отырған екі стюардесса болған.
2015 жылы TIME журналының тілшілері 1985 жылдан 2000 жылға дейін қаза тапқандар мен аман қалған АҚШ әуекомпаниясының барлық апаттарының жазбаларын зерттеп, ұшақтың артқы үштен бір бөлігіндегі орындықтардың жалпы өлім деңгейі 32% екенін анықтады. Ал алдыңғы жақта 38%. Алайда әуе саласындағы мамандар мұны «миф» деп есептейді.
«Жолаушылардың орны мен олардың аман қалу арасындағы байланысты көрсететін деректер жоқ», – деді Ұшу қауіпсіздігі қорының президенті Хасан Шахиди.
Ол әр апаттың қауіп деңгейі әртүрлі дейді.
Ал Лондондағы Гринвич университетінің өрт қауіпсіздігі профессоры, ұшақ апатын эвакуациялау бойынша зерттеулер жүргізген Эд Галиа «нақты қауіпсіз орын жоқ» деп түсіндіреді.
«Сиқырлы қауіпсіз жер жоқ. Бұл сіз қандай апатқа ұшырағаныңызға байланысты. Кейде алдыңғы жақта, кейде артқы жағында жақсырақ болады», – деді ол.
Дегенмен Галея және басқа сарапшылар жолаушылар отырғышы эвакуация кезінде маңызды болатынын атады.