RUS
SMARTNEWS.KZ басылымының хабарлауынша, Ауғанстан мен Пәкістан шекарасында қарулы қақтығыстар басталды. Бұл туралы Al Arabiya телеарнасы хабарлады.
Қақтығыс Гильменд провинциясындағы даулы Бахрамча шекаралық аймағында жүріп жатыр. Бұл өңір Пәкістанмен шекаралас әрі Ауғанстандағы ең үлкен әкімшілік аумақтардың бірі саналады.
Қарулы текетірес Пәкістан тарапының жаңа шекаралық бақылау-өткізу бекеттерін салуына байланысты ушыққан. Тәліптер мен пәкістандық әскерилер арасында атыс басталған.
Қазір екі ел арасындағы шекара барлық көлік түрі үшін жабық. Пәкістан полициясы Кашмир аумағынан ауған Талибанымен байланысы бар содырлардың жасырынған орнын анықтағанын хабарлады. Атыс кезінде екі полицей мен төрт содыр қаза тапты.
Аймақта жағдай шиеленісе түсті. Әзірге тараптар атысты тоқтату туралы ресми мәлімдеме жасаған жоқ. Қақтығыс жайлы толық мәлімет берілмеген.